દર્દી થી દસ્તાવેજ સુધીની સફર
‘દાદા’નો પરિચય સૌપ્રથમવાર એક દર્દી તરીકે થયો. દર્દી અને ડોક્ટરનાં લગભગ એક મહિનાનાં સવાસમાં એકબીજાને ઓળખતા થયા. જીવનનાં સુખ-દુઃખની વહેંચણી કરી. મજબૂત મનોબળ ધરાવતા ‘દાદા’એ સાજા થઈ ગયા પછી જીવનની ત્રીજી ઇનિંગ ખેલવાની ઈચ્છા દર્શાવી. આ ત્રીજી ઇનિંગ એટલે બ્રેઈન ડેડ થયેલા પરિવારજનોને અંગદાન (Organ Donation) કરવા માટે સમજાવવાં તથા સમાજમાં અંગદાનની જાગૃતિ કેળવવા માટે સમર્પણ થવાની ઇનિંગ!
આ પુસ્તકમાં ફક્ત અનુભવો જ નથી પણ હોસ્પિટલનાં અનુભવો તેમજ પોતે જે મેળવ્યું છે તેનું ઋણ કેમ ચુકવવું તેનો નિશ્ચય કરવો તે તમામ પાસાને સુંદર રીતે આવરી લેવાયા છે. સમાજનાં તમામ વર્ગનાં વાંચકોને આ પુસ્તક પ્રેરણાદાયી રહેશે.
- ડૉ. પ્રાંજલ મોદી (વાઇસ ચાન્સેલર, GUTS)